Stahlberger sind ja eigentlich St. Galler – aber Ostschweiz ist Ostschweiz (auch wenn das die Bündner vehement bestreiten würden), sodass es nicht überraschte, auch in Schaffhausen eine Regenbogensiedlung hat.

Di Arme werdet immer ärmer und die Riiche werded immer riicher

Aber suscht wird im Allgemeine alles immer gllicher

säget hützutags afäng alli und echli umejoomere isch easy

debi gohts üs do gar nöd schlecht ussert bi mier stimmts uusnahmswiis

I wohn nämlech i de Rägebogesiedlig

i de Rägebogesiedlig

Rägebogesiedlig

De Name isch verfänglich, er tönt noch Hundertwasser oder so

aber chum amol id Regebogesiedlig, sie isch imfall s Gegeteil drvo

Die meischta wüssed gar nid dassi git, zusserscht am Rand vo de Stadt

Alli Hüüser gsehnd gliich us, alls isch rechtwinklig und grad

D Blöck hend alli gliich viil Stöck, mängi hend nid mol Balkön

I han eifach dringend e Wohnig brucht und denkt, dassi mi denn scho drah gwöhn

Aber es het niene Wiise zwüsched de Hüüser und kei Blueme blüend

Bäum hets sowieso nöd und langsam schloots mr ufs Gmüet

Es het nume teereti Plätz und Plastikdinosaurier fürd Chind

Wo, weme sich orientiere will, die einziga Ahaltspünkt sind

Irgendwenn het’s denn au d Verwaltig gmärkt und d Konsquenze zoge

Sie hend d Hüüser farbig amole lo i de Reihefolg vom Regeboge, drum heisst’s au

Rägebogesiedlig

Rägebogesiedlig

Rägebogesiedlig

Aber es het so viel Blöck i de Siedlig, e vierstelligi Zahl

Drum sind die farbliche Abstuufig vo Huus zu Huus minimal

Us de Luft gseht’s spektakulär us, chasch Diini Auge dra weide

Aber wennd heichunsch ide Nacht, chasch überhaupt nüt me unterscheide

Drum halt’s all paar Hüüser sitheer so Notruefsüüle und Plän

Döt chasch alüüta und denn chunt, me seit em do dr Kapitän

Er isch e kein echte Kapitan, er het eifach sonen Huet und en Bart

Muesch hine i siis Büsli stiiga, wo di vor die richtig Türe fahrt

Aber am nöchste Tag wüsseds alli und lönd di nüme in Rue

Bisch dr Tubel vo de Siedlig, wenn di de Kapitän die het hei mösse tue

Offiziell chaschen drüümol in Aspruch neh, dänn wird dr gkünd

Aber die meischta gönd scho nochem erschte Mol, wels nid umgo chönd mitem Druck ide

Rägebogesiedlig

Rägebogesiedlig

Rägebogesiedlig

Die meischte ide Rägebogesiedlig mached kei grossi Plän

Sie bliibed so oft wies goht us Angst vorem Kapitän

I ha bis jetzt no Glück kha und mi bim Heigo no nie verzellt

Aber mängmol denki scho: Es gäbt doch no an anderi Welt

Und durd Abflussröhre chani d Nochbere ghöre

Und durd Stromkabel ide Decki und mängmol verschrecki ide

Rägebogesiedlig

Rägebogesiedlig